VOV4.M’nông: Geh tât nau ntŭng kăl si Pơmu tâm tiểu khu 1219 tâm ntŭk mât njrăng bah Công ty TNHH du ntŭk kan mât bri Krông Bông ma VOV hŏ mbơh, rmôt kan hŏ mbơh nau nê tât UBND n’gor ndrel dôl jâp rklaih nau tih. Tĭng ntŭk kan aơ, tâm rơh rlau aơ, Công ty TNHH du ntŭk kan mât njrăng bri Krông Bông geh jao nau mât njrăng bri, yơn ê geh ƀư rjăp, ƀư nau kan mô tŏng nsôih.

Mô tŏng nâp tâm nau ƀư nau kan mêt uănh, njrăng rdâng nau tih ntŭng kăl si geh đă mât njrăng, geh ƀư ăp nau tih tâm nau ntŭng kăl si tâm rơh rlau aơ. Ndri ma, N’gâng kan tuch tăm ndrel hun hao ƀon lan đă Công ty TNHH du ntŭk kan mât njrăng bri Krông Bông ƀư nau mêt uănh, ƀư kloh nau kan bah nŭih dâk bôk, ăp nŭih, ăp rmôt geh tât. Nau geh ƀư nkah kloh ân geh ƀư ndrel njoăl tât UBND n’gor Dak Lak bah năp lơ 4/3 tât./.

Nŭih rblang: H’Thi