VOV4.M’nông –  Năm nti 2021-2022, n’gor Dak Lak geh rlău 34.800 kon hŏk jrô 12 mbra râng rơh tâm rlong tốt nghiệp THPT, dŭt âk tâm rnoh aơ mbra râng săch mô lah dăn uănh săch gay lăp ăp ngih sam ƀŭt Đại học, Cao đẳng.

Kon hŏk jrô 12 ta nkuăl Krông Pắk, n’gor Dak Lak

Gay nta uĕh ngăn an kon hŏk jrô 12 gĭt ngăch đah ăp nău mbơh mpeh rơh săch Đại học, Cao đẳng, N’gâng kan ntĭm nti Dak Lak lĕ đă ăp ngih sam ƀŭt n’hao tâm rgop đah nai chủ nhiệm đah me bơ̆, kon hŏk tă bah âk trong kơt: tâm mâp na nê̆, njuăl nău ôp, dŏng mạng xã hội zalo, Facebook... Ndrel đah nĕ, ăp ngih sam ƀŭt đăp mpăn ăp ndoh ndơ công nghệ gay ntop kơl ăp oh rnôk dăn râng, rgâl nău ŭch lăp ăp ngih sam ƀŭt rnôk dơi kơp dơn jêh tốt nghiệp.

Nŭih blang: Y Sưng Phê Ja