Mih dak bŭk tâm ăp nar rlău aơ, n’gor Dak Lak hŏ an ƀư âk trong nkra gay lor nchrăp njrăng, n’gang đăp mpăn n’glău dak bât thủy điện, nkre tĭng ƀư nkrŭl bah dak bŭk bah dâng dak me. Dak Lak aƀaơ geh 20 nhih máy thủy điện n’hanh 5 nhih máy thủy điện ta n’gor êng geh nsum du n’hong dak me.

Gay đăp mpăn n’glău dak bât n’hanh bah dâng n’hong dak me tâm khay dak bŭk, n’gor Dak Lak hŏ đă ăp nuĭh tơm dŏng n’glău dak bât thủy điện tĭng ƀư jăp ăp rêng mât dŏng tâm ntêng lêng n’glău dak bât n’hanh dak bât êng, way tĭng groi nđôi nău tât khuch bah trôk nar gay mât dŏng n’glău n’gâr dak; ngăch mbơh njrăng lor tât n’gâng kan ta ntŭk n’hanh ƀon lan tâm nô nău ân ndjoh dak bŭk ndal. N’gor rđău đă n’gâng kan Công thương kan nsum lhăt đah n’gâng kan ta ntŭk n’hanh ăp nhih pah kan geh tât n’hao dăng hăn ôp ŭanh ăp nkual rbăn lhơ geh ma nău pĭch rlâm gay nkra nâp uĕh tay năn ngăch./.