“Đăp mpăn nâp nâl ngăn ân năm 2023 rơh thi tốt nghiệp trung học phổ thông”. Aơ lah ngoai tâm âk nkô̆ nau geh Rnâng kan rđau kan rơh thi tốt nghiệp trung học phổ thông năm 2023 n’gor Dak Lak lah rjăp tâm nar rƀŭn mbơh nau mpeh rơh thi tốt nghiệp trung học phổ thông mra geh ƀư. Rơh thi năm aơ, lam n’gor Dak Lak geh rlau 21 rbăn kon se râng thi, tâm nê kon se nŭih rnoi mpôl đê̆ geh 28%.

Mpeh nau nâp điểm thi, geh 33 ntŭk thi ngăn, đah rnoh 900 jrâu thi. Tât rnôk aơ, ăp rmôt kan hŏ đăp mpăn ăp nau dơi mpeh ntŭk ntu, ndơ dŏng ân ăp ntŭk thi, ntŭk sao in đề ndrel ntŭk chấm thi tĭng nau ntrŭnh. Ơh nau ôp mpeh nau mĭn rvê bah kon se thi, me mbŏ kon se jêh rnôk rdôl lơh tâm UBND bar xã tâm nkuăl Cư Kuin, Rnâng kan rđau rơh thi, mbơh dôl ƀư ueh nau kan nkoch trêng, bonh đă nuih n’hâm gay kon se đăp mpăn râng nar thi. Nkre lah rjăp hŏ nchrăp ueh ngăn, đăp mpăn ân ăp nar geh ƀư rơh thi./.