Kêng măng 31/7, UBND n’gor Dak Lak ntăm an siƀŭt n’hao wa Nguyễn Minh Huấn, Chánh Thanh tra n’gor ƀư Giám đốc Sở Tài nguyên n’hanh Môi trường. Ntăm siƀŭt n’glêh an n’hanh an kao si mbah rhơn wa Nguyễn Minh Huấn dơn nău kan mhe, wa Võ Văn Cảnh, Groi kruanh UBND n’gor Dak  Lak lah rjăp: Tài Nguyên – Môi trường lah trong kan têh hvi, dŭt n’hâm duh khlay. Yor kơt nê̆, ta ntŭk hao gŭ pah kan mhe, Giám đốc Sở Tài Nguyên – Môi trường Dak Lak ân ntô̆ n’hao tay bôk rngok gĭt blău, nău dơi kan, nău dơn kan, mô rlu nsrôih, joi gĭt, kơt nti n’hanh n’hao nuih n’hâm, dơn kan tâm pah kan ƀư lôch jêh nău dơn kan, rdâk njêng nhih pah kan nar lơn ma hun hao.

 Lah ta rnôk dơn nău kan, wa Nguyễn Minh Huấn mpơl nău rhơn n’hao êng săk rnôk dơi kruanh rđău kan n’gor nsing nơm, jao nău kan mhe. Ta ntŭk gŭ kan mhe đah ăp nău kan mbăk anh jâk, Giám đốc mhe Sở Tài nguyên n’hanh Môi trường ton mô rlu kơt nti, n’hao tay han săk chính trị, nău gĭt blău kan, ntô̆ n’hao nuih n’hâm dơn kan, lor nchrăp rƀah gĭt nău kan; n’hao dăng tâm rnglăp ndrel nhih pah kan ƀư lôch jêh nău dơn kan dơi  jao.