VOV4.M'nông: Kêng măng 6/5, UBND n'gor Dak Lak ƀư rơh Họp báo khay  4/2022, mbơh gĭt mpeh nô nău wăng sa- rêh jêng kon nuĭh tâm khay 4 n'hanh ơh ăp nkô̆ ma báo chí nchih nkoch, dơi lam rêh jêng kon nuĭh uănh khlay. Geh tât pah kan ôp uănh năl di tâm nău rvăt năp ndơ uănh năl SARS-CoV-2 bah Ntŭk rgum mât kân nuh srê kop ji n'gor Dak Lak, Đại tá Nguyễn Văn Quy, Kruanh Jrô kan nsŏng kơl, Công an n'gor Dak Lak an gĭt: Nău dja geh tât rơh tih rvăt năp ndơ dŏng uănh năl SARS-CoV-2 bah Công ty Cổ phần Công nghệ Việt Á geh lam dak tâm bah ri aơ nơh.

Tât aƀaơ, Nhih pah kan Cảnh sát ôp uănh, Công an n'gor Dak Lak hŏ năl Ntŭk rgum mât uănh kop ji n'gor hŏ rvăt rlău 63.000 ndơ uănh năl, đah lĕ rngôch rnoh khlay 10 rmen prăk. Lôch ôp uănh, rgum nău lư, nhih pah kan dơi kan hŏ năl geh nău mpơl tih pháp luật. Geh tât nkô̆ nău mhe nkoch bah lơ nê, Thanh tra n'gor Dak Lak dôl hăn ôp uănh way nkô̆ gay nău rvăt năp ndơ ntrŭp dŏng dak si, ndơ uănh năl nuh srê, vaccine n'hanh dak si njrăng n'gang COVID-19 ta n'gor./.

Nuĭh rblang: Điểu Thân