VOV4.M'nông: Nkhêp nkah ndray nar Quốc khánh 2/9, Hội nhà báo n'gor Dak Lak hŏ ƀư jao an 2 mblâm jay tâm rŏng pă an ăp rnăk ach o ta nkuâl M’Drắk. Tĭng nê, ăp đơn vị hŏ jao jay an yuh H’Biêr Byă, lah me mât êng kon du hê ta buôn Aê Lai (xã Krông Jing), n'hanh pă an jay rnăk nô Lê Đức Tường, rnăk ach o ta thôn 3 (xã Ea H’Mlay).

Ăp mblâm jay geh rnoh hvi neh dŏng bơi 80 m2, prăk ƀư rlău 100 rkeh prăk; tâm nê Công ty Điện lực Dak Lak ntop kơl 50 rkeh prăk, rnoh prăk hôm ƀa ƀă tă bah Hội nhà báo Đăk Lăk, n'gâng kan nsum mpôl ta ntŭk n'hanh rnăk wâl nơm rgop. Lôch bơi 4 khay ƀư, ăp mblâm jay hŏ ƀư lôch jêh n'hanh ndơ̆ jao an 2 rnăk di rnôk nkah ndray Quốc khánh 2/9 năm aơ. Sĭt gŭ tâm jay mhe, yuh H’Biêr Byă, rngot rhơn:

“Nơm geh tơm prăk mặt trận n'hanh ăp đơn vị lŏng nuih n'hâm kơl jêng rnăk gâp hŏ geh nhih jay têh uĕh hôm. Ntơm bah aơ rnăk gâp nsrôih pah kan jan sa âk lơn đŏng gay ntop tay nău  geh ăp nar, an nău rêh uĕh lơn đŏng".

Nuĭh rblang: Điểu Thân