VOV4.M’nông: Nau mbơh tă bah pôih tahen Ea Hleo (N’gâng kan tahen pôih n’har bri Dak Lak) ôi lơ 20/3, ăp cán bộ tahen bah ntŭk kan dôl ma tâm rgop nsum đah rmôt kan n’gâng kan kơl an ƀon lan tâm xã nkuăl n’har bri Ia Lôp, Ea Súp, rklaih nau khuch bah phŭt sial vănh blông têh. Bah năp nê măng 18/3, tâm Thôn Chiêng ndrel thôn Đóng, xã Ia Lốp, tât geh mih têh ndal ndrel ma sial vănh blông, ƀư 10 rnăk ƀon lan tâm 2 thôn aơ geh nau khuch khat mpeh ngih vâl ndrel ma tơm tăm, drăp ndơ.

2 ngih săm ƀŭt lah Ngih săm ƀŭt Tiểu học Cầm Bá Thước ndrel ngih săm ƀŭt mầm non Hoa Lan geh sial vănh blông đô̆ plôl chor ndrel djơh khuch hô, âk drăp ndơ. Jêh rnôk geh nau khuch tât, Pôih tahen Ea Hleo hŏ năn ntrŭnh rmôt, ndrel n’gâng kan bah nkuăl kơl an ƀon lan ntrơn leo drăp ndơ tât ntŭk gŭ ueh lăng. Nkre ma, ƀư nau ôp khâl, bonh đă ăp rnăk geh nau khuch, đă cán bộ, tahen hăn kơl an ƀon lan nkra ngih vâl, ngih săm ƀŭt, ơm đăp mpăn nau rêh./.

Nŭih rblang: H’Thi