VOV4.M’nông -  Ôi 8/4, Jrô kan ntĭm nti nkual têh Buôn Hồ, n’gor Dak Lak năl, ta ntŭk mhe geh nău du hê kon hŏk jrô 8 n’glơi an sam ƀŭt khĭt săk jêh nĕ yông nko. Kon hŏk khĭt săk lah oh B.Đ.K jrô 8A2, ngih sam ƀŭt THCS Ngô Mây. Rnăk wâl joi saơ du sam ƀŭt nchih khĭt săk yor oh K n’glơi an đah nkô̆ nău saơ nău rêh geh jêr jŏt ŏk r’ah. Bah năp nĕ, tĭng nău mbơh bah ngih sam ƀŭt THCS Ngô Mây, ôi 6/4, jrô 8A2 mô geh nar nti online. Rnôk aơ oh K geh hăn pâl điện tử n’hanh geh mê̆ lah. Jêh rnôk ăp nuĭh tâm rnăk wâl hăn tâm mir pĕ tiêu tât 9 mông mô saơ K luh jêng lăp joi ri saơ K lĕ yông nko nkhĭt săk tâm jay ŭnh. Jêh rnôk saơ me bơ̆ lĕ kuăl, ndơ̆ K hăn săm yơn oh mô dơi bah. Jêh rnôk geh nău, Công an nkual têh Buôn Hồ lĕ hăn uănh năl. Tĭng uănh lah bah ngih sam ƀŭt THCS Ngô Mây, K lah kon hŏk gĭt wât nău nti ren, gơih, uĕh. Nti kỳ 1, năm nti 2021-2022, K dơi dăp nti gĭt, hạnh kiểm uĕh. K roh bơ̆, aƀaơ rêh đah mê̆.

Nuĭh rblang: Y Sưng Phê Ja