VOV4.M’nông – Nar 14/2, ăp ngih sam ƀŭt mầm non, tiểu học ta n’gor Dak Lak na nê̆ wơt kon hŏk tât ngih sam ƀŭt jêh rlău 8 khay nti trực tuyến. Bôl lĕ geh nău nchrăp rnôk an kon plơ̆ tay ngih sam ƀŭt yơn me bơ̆ rvê yor kon se mầm non, tiểu học mô hŏ dơi chuh vaccine, mô hŏ wât mpeh nău tâm ƀah jêng dŭt jêr gay ăp kon tĭng uĕh nău ntrŭnh njrăng n’gang srê.

Kon hok tiểu học Ngô Quyền bôk năp tât jrô nti

Gay ƀư ntĭm nti đăp mpăn n’hanh săk rnglăy, bah năp nĕ N’gâng kan ntĭm nti n’gor Dak Lak lĕ ƀư ăp mpôl uănh nđôi ngăn ăp ngih sam ƀŭt, đă đăp mpăn ăp ndơ, trong ƀư uĕh ngăn tâm nău njrăng n’gang srê. Năm nti 2021-2022, n’gor Dak Lak geh rlău 1.000 ngih sam ƀŭt đah rlău 450.000 kon hŏk ta ăp gưl nti. Rnôk aơ lĕ rngôch cán bộ, nai, nuĭh kan tâm nău kan ntĭm nti Dak Lak lĕ dơi chuh đêt ngăn 2 nglai vaccine njrăng n’gang Covid-19 n’hanh geh rlău 20% lĕ dơi chuh nglai 3.

Nuĭh rblang: Y Sưng Phê Ja