VOV4.M’nông –  Ôi 5/6, wa Mai Văn Thắng-Kruanh UBND n’gor Ea H’leo, nkuăl Ea H’leo (Dak Lak) năl, ta xă mhe geh nău rmok dak yô̆ nđach ƀư 3 nuĭh kon hŏk ngih sam ƀŭt HTCS Chu Văn An, xă Ea H’leo khĭt. Ăp nuĭh dơi năl geh mon Trần Thị Kim Anh; Nguyễn Thị Hoài Bảo n’hanh Mã Cẩm Tú, lĕ 3 nuĭh lah deh năm 2010, gŭ ndrel ta xă H’leo, nkuăl Ea H’leo n’hanh kon hŏk jrô 6 ngih sam ƀŭt THCS Chu Văn An .

Du hê n uĭh khĭt rnăk wâl ƀư nchrung khĭt

Nău rmok dak geh ta kêng măng (4/6), rnôk 3 mon Anh, Bảo n’hanh Tú râng n’glôch jêh năm nti ta ngih sam ƀŭt THCS Chu Văn An, jêh nĕ tâm jă hăn dak diăng Óoc (ta thôn 5, xă Ea H’leo, nkuăl Ea H’leo) gay pâl. Jêh rnôk rmanh, ntoh măt n’gâng kan ƀon lan lĕ tât khâl, ntrŭt nsôr, rângv n’hanh an prăk an nuĭh bên gay mĭn ƀư khĭt an ăp nuĭh rmanh.

Nuĭh rblang: Y Sưng Phê Ja