Ôi lơ 12/4, UBND nkuăl M’Drak, n’gor Dak Lak ƀư rƀŭn mbơh lŏ ƀư nau nchâp đă nau sŏk lơi neh, ntrơn leo lơi ƀon lan luh bah nglau Krông Pách Thượng. Tĭng nau mbơh bah UBND nkuăl M’Drak, ntŭk nglau dâng dak Krông Pách thượng hŏ nking dak, têm dak tâm dŭt khay 3/2023. Yơn lah, ân tât nrôk aơ mơ knŭng geh 450 rnăk tâm rnoh rlau 700 rnăk tâm nglau dak bah bôk nau kan aơ hăn ntrơn tât ntŭk gŭ mhe mrô 1 ndrel mrô 2 tâm nkuăl Ea Kar.

Tâm rnoh 250 rnăk ê ntrơn, geh 28 rnăk tâm nglau 483m bah nglau dak, mra mâp âk nau khuch lah geh mih têh, dak nglau hao têh, ƀư lip lêr hô. Ăp rnăk aơ ngăn lah hŏ geh nchâp đă bah năp lơ 30/3/2023, rơh 1, lvang 2 bah nau kan nchâp đă ntrơn leo sŏk lơi neh đah ăp rnăk mô ƀư kơt tĭng tĭng đah nau ntrŭnh sŏk lơi neh gay ƀư nau kan. Ndrel ma nau ntrŭnh đă nchâp ntrơn bah 28 rnăk đah rnoh prêh 483m, UBND nkuăl M’Drak lŏ nsôih bonh đă, nkoch trêng gay ƀon lan ntrơn leo luh bah ăp rnăk hôm geh gŭ tâm nklang nglau dak./.