Ôi 31/1, N'gor Dak Lak ƀư mâp măt nuĭh gĭt blău, nuĭh khoa học, văn nghệ sĩ bôk năm mhe Quý Mão 2023.

  Ta rơh mâp măt, 138 nuĭh ntoh lư ntơh măt an rmôt gĭt blău, nuĭh khoa học, văn nghệ sĩ hŏ ndrel uănh tay lôch jêh geh nău kan, rgop tâm ăp n'gâng kan, nău kan tâm năm rlău aơ. Ntơm bah nê, dăn đă du đêt nkô̆ tâm nău kan khoa học công nghệ, văn nghệ ăp năm bah kơi tay.

 Lah ta rơh mâp măt, kruanh rđău kan n'gor Dak Lak an gĭt: năm 2022, nô nău wăng sa- rêh jêng kon nuĭh bah n'gor hŏ geh ăp nău rgâl uĕh. Lĕ rngôch ăp rnoh tât kan tĭng Nghị quyết n'gluh hŏ dơi  tât da dê. Nău kan ntĭm nti, văn hoá, dak si, đăp mpăn lam rêh jêng kon nuĭh dơi mât đăp mpăn tay, njrăng n'gang neh dak, rnă njrăng, đăp mpăn lam rêh jêng kon nuĭh dơi mât nâp. Dơi geh nău dja, geh nău rgop mô đêt bah rmôt gĭt blău ăp nuĭh khoa học, văn nghệ sĩ.  Năm 2023, kruanh rđău kan Dak Lak mpŏng rmôt gĭt blău, ăp nuĭh khoa học, ăp văn nghệ sĩ đah bôk rngok, nău gĭt blău bah he rgop tay âk lơn đŏng an n'gor. Tâm nê, rgum tĭng ƀư geh nău dơi tam bôk nău kan, đề tài khoa học công nghệ, blău ƀư mhe njêng suan ntrôl hun hao wăng sa-rêh jêng kon nuĭh bah n'gor.

VOV Tây Nguyên/Nuĭh rblang: Điểu Thân