VOV4.M'nông: Ôi 9/2, Tỉnh ủy - HĐND - UBND - Ủy ban MTTQ Việt Nam n'gor Dak Lak ƀư mâp măt báo chí, văn nghệ sĩ, nuĭh gĭt blău bôk năm mhe Nhâm Dần 2022. Ta rơh mâp măt, 150 nuĭh ntơh măt ntoh lư an rmôt văn nghệ sĩ , nuĭh gĭt blău, báo chí bah n'gor hŏ ndrel uănh tay lôch jêh geh nău kan, nău rgop bah ăp n'gâng kan tâm năm rlău aơ , dăn đă du đêt nkô̆ tâm nău kan khoa học công nghệ, báo chí, văn nghệ ăp năm bah kơi tay.

Rlău du năm ât rdâng âk nău tât khuch nuh srê Covid 19, rmôt văn nghệ sĩ ƀư dơi âk nău kan ngăn ngăn rgop uĕh an văn hóa n'gor Dak Lak hun hao tay n'hanh geh tâng jru. Rmôt ăp nuĭh ƀư báo hŏ nchih nkoch nar lơn ma uĕh ăp nău kan bah nău rêh, rgop tâm nău dơi nsum tâm hun hao wăng sa rêh jêng kon nuĭh n'gor Dak Lak. Lăp tât năm 2022, kruanh rđău kan n'gor Dak Lak ŭch rŏng rmôt báo chí, văn nghệ sĩ, nuĭh gĭt blău đah bôk rngok bah he nsrôih rgop âk lơn đŏng an n'gor nơm./.  

Nuĭh rblang: Điểu Thân