Rơh thi tốt nghiệp THPT năm 2023 nchrăp ƀư ntơm bah nar 27 tât nar 29/6/2023. Năm aơ, Dak Lak geh rlău 21.100 nuĭh râng đăng ký thi, tâm nê geh rlău 610 nuĭh râng thi dah rŏng êng bah dih. N’gor Dak Lak tâm pă ƀư tay 32 ntŭk thi tơm đah 886 jrô thi ta 15 nkuâl, thị xã n’hanh nkual ƀon têh.

Ta rơh hop an nchrăp ƀư rơh thi năm 2023, nar ntri (22/5), Ƀan rđău đă rơh thi tốt nghiệp THPT n’gor Dak Lak rđău đă ăp n’gâng kan n’hanh ăp nkuâl ân nchrăp ăp dăp an rơh thi tốt nghiệp THPT, lơn lah đăp mpăn ăp nuĭh râng thi ta nkual jru, nkual ngai dơi mbơh gĭt ăp tŏng nău lư mpeh rơh thi. Lah ta rơh hop, wa H’Yim Kđoh – Groi kruanh UBND n’gor Dak Lak, Kruanh Ban rđău đă thi gưl n’gor dăn đă, ăp gưl, ăp n’gâng kan ân n’hao dăng pah kan nsum, lor nchrăp rdâk njêng trong nkra thi na nê̆, ngăn ngăn, đăp mpăn rơh thi ƀư geh nău dơi tam, răp jăp, di nău way.