VOV4.M’nông –  Ƀư tĭng nău dăp ngăch dơh n’gâng kan ƀĭt joet, n’hao săk rnglăy nău ƀư bah trong chính trị tĭng Nghị quyết Trung ương 6 (khóa 12), tât năm 2025, n’gor Dak Lak mbra n’hŭch rlău 3.800 biên chế công chức, viên chức rkum n’gâng kan nău kan gưl n’gor ăp ntŭk kan hành chính sự nghiệp.

Nău kan ntĭm nti Dak Lak mbra mâp âk jêr jŏt rnôk ƀư n’hŭch biên chế

Tĭng naư mbơh bah N’gâng kan Nội vụ n’gor Dak lak, tâm năm 2021, n’gor lĕ n’hŭch rlău 10% rnoh biên chế, tâm ban nklăp 1.500 nuĭh. Bah aƀaơ tât năm 2025, nchrăp lam n’gor n’hanh ăp ntŭk kan hành chính sự nghiệp. Wa Bạch Văn Mạnh, Kruanh N’gâng kan Nội vụ n’gor Dak Lak an gĭt: mbra geh âk jêr jŏt mhe ntoh rnôk ƀư n’hŭch, ngăn lah đah nău kan dak si n’hah ntĭm nti. Yơn lah n’gor nsrôih ƀư trong kan aơ tĭng di trong. Ta năp măt, năm 2022 n’hŭch nklăp 800 viên chức, jêh nĕ mbra n’hŭch nklăp 1.000 viên chức du năm.

Nŭih blang: Y Sưng Phê Ja