VOV4.M'nông: Rơh thi tốt nghiệp THPT dôl dăch tât, n'gâng kan ntĭm nti Dak  Lak dôl nsrôih ƀư an du rơh thi đăp mpăn, răp jăp n'hanh mô an geh du hê kon se nti mô dơi tât râng thi. Năm aơ, Dak  Lak geh rlău 20.400 nuĭh đăng ký râng thi; tâm nê geh rlău 19.500 kon se nti jrô 12 ntĭm nti THPT n'hanh Giáo dục thường xuyên, hôm ƀa ƀă lah kon se nti dah rŏng râng êng bah dih. Gay nchrăp an rơh thi, n'gor nchrăp ƀư 32 ntŭk thi tơm đah 869 jrô thi ta ăp nhih nti THPT ta 15 nkuâl, thị xã, nkual ƀon têh. Nsing tâm ăp nău rgâl mpeh rơh thi năm 2022 hŏ dơi mbơh, Sở Giáo dục – Đào tạo Dak  Lak hŏ rđău đă ăp ntŭk ntĭm nti ƀư lôch jêh trong nchrăp năm nti di mông nar ôn tập an kon se nti. Bah meng nê, kan nsum đah ăp mpôl kan ntĭm nti tâm n'hanh bah dih nhih nti geh trong ntop kơl kon se nti ôn tập, lơn lah ăp kon se nti geh nău rêh jêr jŏt./.

Nuĭh rblang: Điểu Thân