VOV4.M'nông: UBND n'gor Dak Lak dôl njêng Hội đồng sơch ndrôm si ƀŭt gưl n'gor năm nti 2022- 2023. Yơn lah, Sở Giáo dục Đào tạo Dak Lak lah rjăp nău sơch ndrôm si ƀŭt bah n'gor Dak Lak năm nti 2021-2022 n'hanh năm nti tât hŏ tĭng ƀư dŭt lhăt jăp, di tĭng nău way. Ăp nuĭh an lah: Bôk nău kan rgâl mhe ndrôm si ƀŭt ntĭm nti yơn dơn sơch 1 tât 2 ndrôm si ƀŭt dơm ri i yơn "ntô mhe, săk ơm" dơm.

Mpeh Sở Giáo dục n'hanh Đào tạo Dak Lak an gĭt, nău sơch ndrôm si ƀŭt bah Dak Lak nsing tâm 3 rmôt di: Tâm di đah nău mha êng wăng sa- rêh jêng kon nuĭh bah n'gor, tâm di đah nău dơi geh ƀư ntĭm n'hanh nti ta ntŭk ntĭm nti phổ thông n'hanh ăp rnoh di êng ƀa ƀă. Cán bộ nai ntĭm râng tâm hội đồng sơch ndrôm si ƀŭt lah ăp nuĭh tă ơm gĭt kan, nsing nơm. Tâm Hội đồng sơch ndrôm si ƀŭt gưl n'gor đăp mpăn mĭn tât nkual, 15 nkuâl, thị xã, nkual ƀon têh geh nai ntĭm nti ntơh măt gay đăp mpăn geh nău tâm ban, kloh rvah đŏng./.

Nuĭh rblang: Điểu Thân