VOV4.M’nông: Tâm rlau du khay ma aơ, rnoh mham kơl an săm ji tâm n’gor Dak Lak mro tâm rnôk mô tŏng mham yỏ rnoh mham têm tâm ăp ntŭk ngih dak si hŏ suăt, tâm nê rnôk nau nchrăp ndơn mham kơl an hôm ê geh ntrŭnh ƀư. Tĭng nau tă bah Rnâng kan rđau nau kan yur mham kơl an n’gor Dak Lak, tâm khay 3 ndrel bôk khay 4, nau kan pă mham ân nau kơl an săm nŭih ji hôm mâp nau jêr.

Tâm ngih dak si Đa khoa nkuăl Tây Nguyên, ăp khay geh ntơm 1.800- 2000 đơn vị mham gay ma kơl an săm ji ân nŭih ji yơn mhe rlau knŭng tŏng n’gul rnoh mham ŭch. Wa Nguyễn Đức Phú, Chánh văn phòng Rnâng kan rđau nau rgŏ jă yur mham kơl an n’gor Dak Lak mbơh: Rnôk aơ, Rnâng kan yur mham bah n’gor hŏ ƀư nau ntrŭnh njoăl ân UBND n’gor đă n’gâng kan dak si năn ntop dak si puh gay ma ơm ntrŭnh nau yur mham kơl an, n’hao rnoh mham pă ân ăp ngih dak si ndrel ăp ngih dak si bah n’gor./.

Nŭih rblang: H’Thi