VOV4.M’nông - Nar 17/5, Mpôl ntoh măt Quốc hội n’gor Dak Lak lĕ geh nar pah kan đah Ủy ban nhân dân n’gor n’hanh ăp n’gâng kan, nău kan gay nchrăp ăp nkô̆ nău râng ta rơh rƀŭn tal 3, Quốc hội khóa 15. Âk nău dăn đă geh tât trong ƀư nău kơl tâm hun hao wăng sa rêh jêng bah n’gor lĕ dơi ntop tay tâm dự thảo mbơh an Quốc hội.  Ta nar pah kan, ntoh măt kruanh n’gâng kan, nău kan n’gor Dak Lak lĕ nkoch âk nău jêr jŏt n’hanh dăn đă trung ương uănh mĭn tay, dôh rklaih an nău hun hao wăng sa rêh jêng ta ntŭk tâm năm  tât, kơt hun hao ŭnh nar nkra njêng rƀŏng tât hun hao tât năm 2045, Chính phủ, N’gâng kan Công thương an uănh mĭn nkra rgâl n’hao ngăch gay hun hao ŭnh nar nkra njêng ta Dak Lak.

Ăp nuĭh ntoh măt rgop nău dăn đă tât mpôl ntoh măt Quốc hội

Ăp nuĭh ntoh măt dăn đă nkô̆ nău geh tât nău kan khoảng sản, uănh mĭn tay trong ƀư êng an nkual ƀon têh Buôn Ma Thuột, trong kan dăp rgum, dŏng neh; nău du đêt gưl trong quốc lộ dôl jŭr djơh yơn mô dơi pă prăk nkra tay. Mpôl Ntoh măt Quốc hội n’gor Dak Lak djăt ăp nău rgop, dăn đă bah ăp nuĭh ntoh măt, rgum lĕ, uănh tay gay mbơh an Quốc hội n’hanh ăp N’gâng kan uănh mĭn tay

Nuĭh rblang: Y Sưng Phê Ja