Ôi ntri, 9/11, Cục thuế n’gor Dak Lak ƀư tâm nchră mpư rnê ăp mpôl kan, ăp nuĭh tĭng ƀư jăp trong kơl pháp luật sŏk soăy năm 2023. Năm 2022, lĕ rngôch nsĭt geh ngân sách ngih dak ta n’gor Dak Lak geh rlău 8.900 rmen prăk, geh rlău 141% trong nchrăp sŏk dŏng Trung ương jao, 119% trong nchrăp sŏk dŏng Hội đồng nhân dân n’gor jao, hao rlău 30% rđĭl đah ndrel khay dja năm 2021.

Tâm nê, sŏk soăy, prăk nkhôm n’hanh prăk nău way ndơ̆ tă bah n’gâng kan sŏk soăy mât geh rlău 5.800 rmen prăk, tât rlău 127% rđĭl đah trong nchrăp sŏk dŏng Trung ương jao n’hanh hao rlău 15% rđĭl đah trong nchrăp sŏk dŏng Hội đồng nhân dân n’gor jao. Gay dơi geh nău dja, rlău ma ăp nău nsrôih bah n’gâng kan sŏk soăy, hôm geh nău ndrel hăn rgop têh kuâng bah 235 mpôl, ăp nuĭh ndơ prăk sŏk soăy ntoh lư dơi Bộ Tài chính, UBND n’gor, Tổng cục Thuế n’hanh Cục Thuế n’gor Dak Lak mpư rnê, nkhôm an ta tâm nchră lah nău nchih nkah an ăp nău rgop têh kuâng bah khân păng./.