VOV4.M’nông: Lơ 25/1, ta ntŭk nakh ơm ueh bah neh dak Ngih nkông krŭng Buôn Ma Thuột, n’gor Dak Lak, hŏ geh nau ƀư nkah ăp tahen ơm cáv mạng tă geh bu nhŭp, krŭng ndrel khĭt ta aơ. Tâm nau khuh n’gôr bah nau nkah, ăp ntoh măt ndrel nkah tay nau vay ơm ueh ang bah nau nkah nar 25/1/1944 ndrel ndơ̆ kao, mpoh kthup gay ma ntoh nau nkah gĭt jru ngăn tât nuih n’hâm têh ngăn bah ăp tahen cộng sản tă geh nhŭp krŭng, lơh, khĭt tâm ngih Nkông krŭng Buôn Ma Thuột.

Aơ lah nau kan ntoh nau ơm “Ngêt dak nkah gĭt tu”, ntĭm nti nau ueh ơm cách mạng, n’hao nau mĭn, nau kan bah ăp gưl kan, rmôt kan ndrel dĭng lĕ nau rêh jêng, ngăn lah rơh mom tâm nau kan ndâk njêng ndrel ma mât neh dak./.

Nŭih rblang: H’Thi