Ăp nar aơ, oh Vũ Thị Giang, kon hŏk jrô 8, Ngih samƀŭt THCS Lê Quý Đôn, xă Ea Bung, n’gor Dak Lak, răm nđơr nchrăp plơ̆ tay ngih samƀŭt. Oh an gĭt: “Nai n’hanh Ban giám ngih samƀŭt, ăp gưl uănh tât, ntrŭt nsôr oh dŭt âk mpeh ndoh ndơ n’hanh nuih n’hâm. Ngih samƀŭt ri an manh samƀŭt giáo khoa, n’hŭch prăk nti an rnăk wâl jêr jŏt. Tâm năm nti jrô 6 oh geh kon hŏk khá, jrô 7 oh geh kon hŏk giỏi. Oh ŭch nsrôih lơn gay hao kon hŏk xuất sắc”.

Mô knŭng mât uănh an ăp kon hŏk geh nău rêh jêr jŏt, ăp ntŭk bah n’gor Dak Lak rgum nkra, ndâk njêng ngih wâl, đăp mpăn dơi ntĭm n’hanh nti. Jêh hăn uănh ngih jrô, xă Krông Ana lĕ pă rlău 11,3 rmen prăk gay ntuh kơl 16 ndơ ƀư tâm năm nti aơ. Wa Phan Thanh Việt, Groi Kruanh UBND xă Krông Ana, an gĭt: "Du đêt ndơ ƀư dôl ndăn ngăch ƀư lôch jêh gay năn ngăch rhŏ an năm nti mhe. Ndrel đah nkra, n'hao uĕh ngih nti, ta ntŭk rđău đă ăp nhih nti nchrăp uănh nđôi, rôk jăng tơm, koh n'ging gay mât đăp mpăn tâm khay mih phŭt sial".

Đah ăp xã n'har bri, nău ŭch ndơ̆ luh mô dơn lah ƀư lôch jêh ngih nti ma hôm an tâm di đah nău dăp rgum tay trong ntĭm nti. Ta xã Ia Lốp, bah 5 ngih săm ƀŭt bah năp nơh, nkuăl ƀư tay hôm 2 ngih săm ƀŭt. Tâm nê, Ngih săm ƀŭt Phổ thông Ntŭk gŭ nti Tiểu học n'hanh THCS Ia Lốp dơi njêng nar 20/7 n'hanh lĕ jêh nău dăp rgum. Kơp cán bộ, nai nti ndrel nau kan săch lăp nti. Wa Bùi Tiến Hoạt, Groi Kruanh UBND xã Ia Lốp, mbơh: "Tât aƀaơ n'gâng tơm bah ngih sam ƀŭt, nău kan ƀư tâm trôm" lĕ ƀư tĭng ân tŏng ăp, ndâk njêng ăp rmôt khối bộ môn, pă jrô nti, jêh ri nău kan sơch lăp nti, lĕ jêh hôm. Aƀaơ mpôl hên ndrel đah Ban mât uănh nău nchrăp ƀư n'hanh ăp nuĭh tơm ntuh kơl ndăn ngăch nchrăp ăp ndơ ƀư, mhâm ƀư gay tâm di nar ton. 30 khay 8 jao ngih săm ƀŭt lăp năm nti mhe".

 Ndrel đah ăp nau rgâl mpeh ntŭk ntu ngih săm ƀŭt, rmôt nai ntĭm nti lĕ dâk bah năp nău ŭch tâm di đah ăp nău kan mhe. Wa Phạm Thế Trường, Groi Hiệu trưởng Ngih sam ƀŭt THCS Buôn Trấp, xă Krông Ana, an gĭt: "Ngih săm ƀŭt lĕ ƀư an nai nti êng tâm ban kơt râng" râng ăp jrô nti nău way kan bah N'gâng kan ta ntŭk n'hanh bah N'gâng kan ntĭm nti. Ntĭt kơt khlay, ngih sam ƀŭt ntrŭt nsôr nai nti n'hao âk râng ăp jrô nti mpeh rgâl mrô. Rgâl mrô tâm ban kơt tât đah bôk nău kan ntĭm nti mhe".

Nău nchrăp ăp tŏng ntŭk ntô ndơ dŏng, rmôt kan tât nău kơl an dôl njêng ntŭk nsing gay năm nti mhe ta Dak Lak ntơm tâm nău nsrôih, đăp mpăn n'hanh nchrăp lor, gay kon se nti ta nkual dơh uĕh n'hanh nkual jêr jŏt geh tay ndơ nti, tiăr nti n'hanh hun hao./.