VOV4.M’nông: Nchrăp đah ăp nau tât rnôk geh mih têh yor khuch bah phŭt mrô 5, ntŭk kan n’gâng kan bah n’gor Kon Tum dôl kơp, ntrŭnh ƀư ăp nau kan gay đăp măpn đah ăp n’gâr dak hoch. Lam n’gor Kon Tum rnôk aơ geh 85 nglau n’gar dak đah nau dơi dâng dak nklăp 93 rkeh m3 dak. Geh jao mât, dŏng 79 nglau n’gar dak têh bah n’gor, wa Nguyễn Văn Dẫn, Groi Giám đốc Rnâng kan mât-dŏng ăp ntŭk trong dak hoch bah n’gor Kon Tum mbơh, ntơm lơ 13/10, rmôt kan hĭ ntrŭnh ƀư nau kan rdâng đah dak lip lơh.

Tâm ăp nglau n’gar dak, rmôt kan mât đă rmôt ƀư nau kan tâm ntŭk, ntŭk kan bah Trạm mât trong dak bah 10 nkuăl, nkuăl ƀon têh ndrel Ntŭk kan bah rnâng kan mât. Mô dơi thơ tha, rnôk aơ nau kan njrăng rdâng nau tât bah mih dak lip yor geh nau khuch bah phŭt rmô 5 dôl geh Rnâng kan mât, dŏng ăp ntŭk n’hoch dak bah n’gor Kon Tum mât ƀư, ƀư ân rjăp, kâp njrăng tâm măng nar./.

VOVTây Nguyên/Nŭih rblang: H’Thi