N’gor Dak Lak rnôk aơ geh rlau 479 rbăn ha bri, tâm nê geh 413 rbăn ha bri chăt êng ndrel rlau 83 rbăn ha bri tăm. Ndrel tâm yan vai, ăp rmôt n’gâng kan tâm Dak Lak dôl ntrŭt dăng nau ƀư ăp nau kan njrăng rdâng ŭnh sa bri.

Tĭng nê, ăp n’gâng kan, nkuăl ndrel tơm mât njrăng bri tâm n’gor Dak Lak lŏ n’hao nau kan nkoch trêng, n’hao nau gĭt, nau mĭn ƀư tĭng pháp luật bah cán bộ, nŭih kan ndrel nŭih ƀon lan mpeh nau kan mât, njrăng bri, njrăng ŭnh sa bri.

Nchrăp ăp nau kan njrăng rdâng ŭnh sa bri tâm di ma nau ngăn tâm lam nkual, năn saơ gay ma rklaih, mô ân geh ŭnh sa rêng, ŭnh sa têh...Ngăn lah tâm ăp nkuăl Ea H’Leo, Ea Súp, Ea Kar, Buôn Đôn...âk rnoh neh bri dôl geh nkah lah ŭnh sa mrô 4, mrô 5-mrô khuch rvê ngăn. N’gâng kan hŏ tâm rgop ngăn đah ăp nkuăl, ăp tơm mât njrăng bri ndrel nŭih ƀon lan rêh êp bri ntrŭt dăng nau kan njrăng rdâng ŭnh sa bri./.