VOV4.M’nông: Du năm nti đah âk khay nti trực tuyến, ƀư âk kon se nti jrâu 12 tâm Dak Lak dŭt n’hâm rvê đah rơh thi tốt nghiệp THPT năm 2022. Gay ăp oh kon se ueh mpeh nau mĭn, đăp mpăn nau ntĭm nti, âk ngih săm ƀŭt hŏ geh ƀư ơm nau rƀŏng ôn thi tốt nghiệp ân ăp kon se. Tâm Ngih săm ƀŭt THPT Lê Quý Đôn, nkuăl ƀon têh Buôn Ma Thuột, n’gor Dak Lak, rlau 530 kon se nti jrâu 12 kơt lah nti trực tuyến tâm lôch năm nti aơ.

Gay ma kơl an kon se nti dŭt gưl, nhih săm ƀŭt hŏ ƀư nau nchră nau uănh nau blau nti bah kon se gay ma geh trong pa ửâu, pă nau ƀư ndrel geh nau kan ntĭm nti ân rjăp ngăn. Rơh thi tốt nghiệp THPT năm 2022 nchrăp geh tâm lơ 7 tât 11/7/2022. Lah geh srê hôm tât jêr tâm ăp nar thi ri mra ƀư ntruch tay nar gay ma ƀư thi jêng âk tơ̆ êng êng tâm kơt ma ăp rơh thi tốt nghiệp năm 2021. Tât rnôk aơ, âk ngih săm ƀŭt TPHT ta Dak Lak nchrăp ăp nau kan ƀư ôn thi ân kon se gay kon se geh nau blau ngăn tâm rơh thi ân geh nau dơi./.

Nŭih rblang: H’Thi