VOV4.M’nông: Rơh thi tốt nghiệp THPT năm 2022 geh tâm 2 nar lơ 7-8/7. N’gor Dak Lak geh rlau 20.4000 kon se đăng kí râng thi tâm 32 ntŭj thi bah 15 nkuăl, nkuăl têh, nkuăl ƀon têh tâm n’gor. Wa Phạm Đăng Khoa, Giám đốc N’gâng kan ntĭm nti n’gor Dak Lak mbơh: Rơh thi năm aơ, N’gâng kan ntĭm nti lŏ jao anăp nkuăl ndơn nau kan ƀư rơh thi. Ndri ma, N’gâng kan ntĭm nti bah Dak Lak hŏ nchrăp ndâk nau kan tă bah ơm.

Tât rnôk aơ, nau nchrăp ân rơh thi tốt nghiệp THPT năm 2022 dôl geh ƀư tâm di nau nchrăp. Ăp ngih săm ƀŭt geh kon se râng thi tốt nghiệp nsôih ƀư nâp nau ntĭm nti, nchră uănh nau blau, nau dơi, pă mbơh ăp kon se gay ma kơl ntĭm nti ntop tay. Mpeh nŭih râng kơl an ân rơh thi, N’gâng kan ntĭm nti n’gor Dak Lak rgum rlau 2.700 cán bộ ƀư nau kan tâm ăp hội đồng thi. Gay rơh thi geh ueh, rjăp, tâm di nau ntrŭnh, N’gâng kan uănh khlay nau ntĭm nti ân ăp cán bộ ƀư nau kan mêt uănh./.

Nŭih rblang: H’Thi