Gay rơh thi tốt nghiệp THPT năm 2023 geh nău dơi  uĕh, n’gâng kan ntĭm nti n’gor Dak Lak dôl nsrôih nchrăp ăp ndơ geh tât rơh thi. Tâm nê nkô̆ nkah tay nău hŏ nti, uănh năl nău blău kon se nti gay tâm pă ntil ôn tập dôl dơi uănh khlay. Tĭng nău nchrăp bah Bộ Giáo dục -  Đào tạo, Rơh thi tốt nghiệp THPT năm 2023 ƀư tâm 2 nar 28-29/6.  

Năm aơ, n’gor Dak Lak geh rlău 20.000 nuĭh đăng ký râng thi ta 32 ntŭk thi ta 15 nkuâl, thị xã, nkual ƀon têh tâm n’gor. Wa Phạm Đăng Khoa, Giám đốc Sở Giáo dục n’hanh Đào tạo n’gor Dak Lak an gĭt: Rơh thi năm aơ, Bộ Giáo dục - Đào tạo jao tay an ăp n’gor dơn ƀư rơh thi. Jêng,  Sở Giáo dục – Đào tạo Dak Lak hŏ lor nchrăp rdâk njêng bah ơm. Tât aƀaơ, pah kan nchrăp an rơh thi tốt nghiệp THPT năm 2023 dôl dơi an ƀư di rnoh ngăch.