Tâm năm 2023, Công ty Điện lực Dak Lak hŏ rklaih rnoh ƀư rlau 30 km trong sre cáp viễn thông tâm ăp nkuăl ta Krông Pắk, Buôn Đôn, Cư Kuin, Krông Ana, Ea Súp, Krông Bông, Lăk ndrel Cư Mgar. Lŏ ƀư tay nau ntrơn rgâl cáp viễn thông, ngăn lah rklaih ăp ntŭk mra geh nau roh đăp mpăn, ƀư nau khuch tât điện. Điện lực Dak Lak hŏ ndâk rmôt Zalo “trong kan ký thuật” đah rlau 50 nŭih geh rđau kan ăp ntŭk kan điện, rđau kan 6 rmôt viễn thông, nŭih ƀư nau mat dŏng trong sre điện, nŭih dôl ƀư nau kan rklaih tuyến cáp. Ăp nar, rmôt aơ ndơn nau, rup geh ntŭk mbơh lah geh nau khuch mpeh trong yông cáp tâm n’gâng điện, tâm ban rnôk gay ma rklaih nau kan gay ma năl kloh cáp bah ntŭk rmôt ƀư jêh nê mra sŏk, koh gleh, kâp jăp.

Bol ma mhe ndâk, yơn rmôt Zalo “Nau kan kỹ thuật” hŏ kơl an rklaih nau kan ngăch, der nau koh tih sre êng ƀư khuch tât trong pă Internet. Tâm rơh tât, PC Dak Lak mra lŏ mât ân nâp rmôt Zalo ndrel ma pơk tay âk nŭih lăp tâm Sở Thông tin ndrel truyền thông, jrâu kan căng sa ƀư nau kan bah ăp nkuăl, nkual ƀon têh, nkuăl têh, Cong ty mât tơm si ndrih, mpoh ang ŭnh đô thị...gay ma rklaih nau kan ân nơih lơn. Nau aơ gay ma n’hao nau tâm rgop nsum đah ăp rmôt kan, đăp mpăn nau tâm ban tâm ăp nau kan ƀư nâp bah đô thị, rklaih trong sre viễn thông, koh lơi n’ging si...ma mô geh khuch tât nau kan pă điện, trong sre bah ăp ntrong kan mạng./.