VOV4.M’nông – Rơh tâm rlong tốt nghiệp THPT năm 2022 nar lơ êp, chôt srê covid-19 hôm e jêr jŏt, ăp ngih sam ƀŭt THPT ta n’gor Dak Lak dôl ntĭm nti ngăch gay jêh bôk nău kan năm nti. Lơn lah nău năp wât rbăng an kon hŏk dŭt gưl nchrăp an rơh tâm rtlong tốt nghiệp n’hanh săch nti êp tât. Lam n’gor Dak Lak geh 59 ngih sam ƀŭt THPT, tâm nĕ geh 48 ngih sam ƀŭt lĕ an kon hŏk jrô 12 tât ngih sam ƀŭt nti. Ăp ngih sam ƀŭt ƀa ƀă hôm e nti trực tuyến, dŭt âk lah kon hŏk ta nkual ƀon têh Buôn Ma Thuột n’hanh nkuăl Krông Buk. Wa Phạm Đăng Khoa, Kruanh n’gâng kan ntĭm nti Dak Lak an gĭt, tĭng tâm nu naư srê ta ntŭk, ăp ngih sam ƀŭt ƀư ntĭm nti ngăch, đăp mpăn mông nar, nkô̆ nău khlay, bôk năp; nkre đăp mpăn săk soan an cán bộ, nai, nuĭh kan, kon hŏk.

Nŭih blang: Y Sưng Phê Ja