VOV4.M'nông: Kêng măng (15/6), Tỉnh uỷ Dak Lak ƀư Tâm nchră n'glôch jêh tĭng ƀư Nghị quyết mbrô 10/2002 bah Bộ Chính trị mpeh hun hao wăng sa- rêh jêng kon nuĭh, đăp mpăn njrăng n'gang neh dak- rnă njrăng nkual Tây Nguyên rơh năm 2001- 2010 n'hanh n'glôch jêh mbrô 12/2011 bah Bộ Chính trị khoá XI mpeh tĭng ƀư tay nghị quyết mbrô 10/2022 bah Bộ Chính trị (khoá IX) hun hao nkual Tây Nguyên rơh năm 2011 -2020. 

Tĭng nău mbơh ta rnôk tâm nchră, rơh năm 2001-2020, wăng sa bah n'gor Dak Lak hun hao rĭng geh bơi 14%; jâng wăng sa hao têh âk bơi 11 tơ̆, ntơm bah rlău 5.600 rmen prăk năm 2002 hao 61.800 rmen prăk tâm năm 2020. Rĭng geh tĭng bôk nuĭh ta n'gor dơi rgâl geh, năm 2020 tât bơi 54 rkeh prăk/nuĭh/năm, hao 18 tơ̆ rđĭl đah năm 2002. Rnoh âk rnăk ach o di rnoh ach o lvang 2016 – 2020 hôm 6,3% tâm kêng dŭt năm 2021. Nău rêh nuih n'hâm bah ƀon lan nar lơn ma rgâl geh n'hanh n'hao prêh. N'glôch jêh tâm nchră, Tỉnh uỷ Dak  Lak dăn đă ăp gưl uỷ Đảng, n'gâng kan n'hao tay nuih n'hâm dơn kan, nău gĭt blău rgop, dăn đă ƀư lôch jêh ăp tŏng si ƀŭt hao mbơh dăn Trung ương gay geh ntŭk nsing an dŏng nghị quyết mhe, nta trong dơh, suan dăng an nău hun hao nkual Tây Nguyên tâm let năp tay./.

Nuĭh rblang: Điểu Thân