Kơt Radio nău ngơi Việt Nam hŏ nkoch, bri ta Công ty TNHH Lâm nghiệp Buôn Ja Wầm (nkuâl Cư M’Gar, n’gor Dak Lak) mhe aơ hŏ geh lơh n’hang hô, ƀư neh bri hŭch ngăch. N’gâng kan dơi  kan n’gor Dak Lak dôl an ƀư ăp trong nkra lĕ n’hâm suan gay nking nchăng nău lơh bri dja. Tĭng nchih rgum Chi cục Kiểm lâm n’gor Dak Lak, ntơm bah bôk năm 2020 tât aƀaơ, ta n’har neh bri bah Công ty lâm nghiệp Buôn Ja Wầm geh rlău 500 tơ̆ lơh n’hang bri, đah rnoh hvi neh geh rŭn in hao tât 360ha.

Wa Nguyễn Quốc Hưng, Chi cục trưởng Chi cục Kiểm lâm n’gor Dak Lak năl lah, Công ty Lâm nghiệp Buôn Ja Wầm mô tŏng mpôl kan gay mât njrăng bri. Kêng dŭt lah bri geh bu lơh n’hang tâm âk năm, rnoh hvi neh bri bah công ty dôl hŭch ngăch. Tâm rnoh 8.800ha công ty dja mât dŏng, aƀaơ dơn hôm nklăp 3.000ha geh bri dơm n’hanh lĕ rngôch hŏ jêng bri xăr. Chi cục dôl n’hao âk mpôl nuĭh kan n’hanh rđău  đă mpôl kiểm lâm nkuâl Cư M’Gar kan nsum đah nkuâl, nuĭh tơm bri an ƀư  ăp trong nkra lĕ n’hâm suan gay nking nchăng nău lơh n’hang bri./.