Điện lực Dak Lak aƀaơ dôl mât uănh pơk dŏng 10.000km trong rse ndrăng điện n’hanh rlău 6.700 trạm biến áp, ƀư tĭng pă điện an bơi 610.000 nuĭh. Ta năp yan mih phŭt, ăp ntŭk kan mpeh tâm Công ty Điện lực Dak Lak lĕ rgum mkra ăp ntŭk mô nâp jŭr djơh ta trong rse điện; nkre ndâk ƀư trong na nê̆ gay mkra tay trong rse điện tâm rnôk ơm ngăn lah geh nău mâp.

Nău uănh nđôi kơp uănh trong rse điện dơi ƀư ƀa ƀơ, na nao. Tâm rnôk hô yan mih, điện lực Dak Lak lĕ n’hao trong kan nkra ndal ta trong rse điện gay nchrăp ăp ndơ khlay, n’hŭch geh nău mâp. Knŭng tâm 2 khay bah năp, êng Đội Hotline 2 lĕ ƀư 72 trong kan ta trong rse điện, dŭt âk nkra điện tâm măng, đăp mpăn pă an điên đăp mpăn na nao rhŏ an hun hao wăng sa rêh jêng.