VOV4.M'nông: Nar 12/10, Văn phòng tâm pă nău kan ƀon lan mhe n'gor Dak Lak ƀư tâm nchră nkoch trêng n'hao nău gĭt êng bah lam trong kan chính trị n'hanh nsum mpôl mpeh bôk nău kan ăp xã geh du ntil ndơ geh ƀư. Lôch 4 năm an ƀư, tât aƀaơ, n'gor Dak Lak hŏ geh 72 ntil ndơ OCOP dơi kơp dơn ntơm bah 3 - 4 sao. 

Ma bôk nău kan OCOP, ntoh âk trong ntĭt leo ƀư uĕh, trong kan nsĭt nău dơi ngăn, blău ƀư mhe, đăt ndal, rgop n'hao săk kah ndơ geh ƀư, n'hao rnoh khlay ndơ tuch tăm bah n'gor. Yơn lah, lôch an ƀư bôk nău kan an saơ, ăp trong nkra ntop kơl đah tơm mpôl OCOP hôm mô hŏ dơi uănh khlay ngăn đŏng, n'hao nău dơi mât bôk kan, nkret njêng n'hanh tăch rgâl ndơ geh ƀư hôm đêt, rgâl nău gĭt bah nuĭh dŏng ndơ n'hanh săk ntơ lư OCOP bah n'gor mô hŏ âk. Lvang năm 2021-2025, n'gor Dak Lak kơp dơn OCOP lah bôk nău kan rgum tơm hun hao wăng sa nkual ƀon lan; lah trong nkra n'hanh nău dơn kan khlay tâm trong tĭng ƀư rnoh tât kan gưl neh dak rdâk njêng  ƀon lan mhe bah Dak Lak./.

VOV Tây Nguyên

Nuĭh rblang: Điểu Thân