Gay đăp mpăn ndơ sa tâm rnôk Tết Trung thu năm aơ, UBND n’gor Dak Lak hŏ ntrŭnh nau ndâk 2 rmôt kan geh tât nau đăp mpăn ndơ ngêt sa tâm rnôk tết Trung thu năm 2024 tâm nkuăl ƀon têh Buôn Ma Thuột, nkuăl têh Buôn Hồ, ăp nkuăl Krông Pắk, Ea Kar, Cư Kuin ndrel Lắk. Rơh mêt uănh ntơm lơ 11 tât lơ 13/9.

Bah nau kan, 2 rmôt kan mra mêt uănh ăp nau ntrŭnh bah pháp luật mpeh nau đăp mpăn ndơ ngêt sa bah ăp ntŭk kan ê nkra, tăch rgâl ndơ sa tâm n’gor, sŏk ndơ sa gay uănh năl nau đăp mpăn kloh. Tâm rnôk hăn mêt uănh, rmôt kan mra tâm rgop gay ma nkoch trêng, ntĭm mbơh ăp nau ntrŭnh bah pháp luật, ăp nau gĭt mpeh nau đăp mpăn ndơ ngêt sa ân nŭih ê nkra, tăch rgâl, dŏng ndơ sa./.