Đăk Lăk: N’hao nău mât n’har bri ta năp, tâm n’hanh lôch Tết Nguyên đán Giáp Thìn.
Thứ sáu, 00:00, 02/02/2024
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.VOV.VN - Rlău 1 pơh tay lah tât Tết Nguyên đán Giáp Thìn, n’gâng kan leo kan tahen n’har bri Đăk Lăk lĕ n’hanh dôl geh ntĭm đă ăp pôih tahen n’har bri, Tiểu đoàn Huấn luyện - cơ động mbơh tơih mpôl kan n’hanh trong kan na nê̆ mât njrăng nău ƀư tơm rnă njrăng n’har bri ngih dak, njrăng nău pah kan luh lăp n’har bri mô mbơh dăn n’hanh tâm rdâng đah ăp ntil nău tih ta n’har bri gay ma ƀon lan rhơn năm mhe vơt tết.
N’gor Dak Lak geh trong n’har bri jong rlău 71km ta 2 nkuăl n’har bri Ea Sup n’hanh Buôn Đôn, dăch n’har đah n’gor Mundulkiri, dak Campuchia. Di rơh aơ, ăp ntŭk kan tahen n’har bri ntrôl dăng nău uănh nđôi, uănh năl, rdâk njêng ntop ăp nău nchrăp kan, tiăr nti ăp trong kan mât njrăng, n’hao nău uănh nđôi, mât uănh na nê̆ ta n’har bri, ngăn lah ăp nkual mbra geh nău ƀư tih ta trong n’har bri, njrăng luh lăp ta n’har bri mô geh mbơh dăn, pah kan bâh ăp nuĭh tih an ngăch geh ban saơ.
Viết bình luận