VOV4.M’nông –  Đah nău sŏk tâm di nuĭh bah nuĭh ƀon lan, doanh nghiệp ƀư nău vĕ uănh lah săk rnglăy nkra rgâl hành chính, n’gor Dak Lak ntrôl dăng nkra rgâl hành chính đah n’hŭch sam ƀŭt sam tra, mông nar, nta nơih an nuĭh ƀon lan, doanh nghiệp; djăt nău rgop nuĭh ƀon lan. Tât aƀaơ, rnoh nkra rgâl hành chính bah Dak Lak lĕ dăp tal 45/63 n’gor, nkual ƀon têh; rnoh tâm di nuih đah nău rhŏ hành chính bah 15 mông, nău kan geh bơi 84%; rnoh di nuih đah nău rhŏ hành chính bah ăp ntŭk ta lam n’gor geh 79%.

Dak Lak n’hao săk rnglăy trong kan nkra rgâl hành chính

Dak Lak n’gluh an nău rƀŏng tât năm 2025, rnoh an nkra rgâl hành chính bah n’gor mbra dăp tâm rmôt 20/63 n’gor, nkual ƀon têh. Gay dơi ƀư nău aơ, trong kan nkra rgâl hành chính dơi n’gor ƀư lĕ rngôch ta 6 nkô̆ nău: Nkra rgâl trong ƀư; nkra rgâl sam ƀŭt sam tra hành chính; nkra rgâl n’gâng tơm ƀĭt joet hành chính ngih dak; Nkra rgâl trong ƀư công vụ; nkra rgâl prăk kaih ngih dak; ndâk njêng n’hanh hun hao Chính phủ điện tử.

Nuĭh rblang: Y Sưng Phê Ja