Kêng măng 24/5, Tỉnh ủy, HĐND, UBND, Ủy ban MTTQ Việt Nam n’gor Dak Lak ƀư Lễ wơt, nkah gĭt n’hâm suan, tâp bôr 22 nting tahen ơm râng kơl êng n’hanh nuĭh rnâng kan Việt Nam khĭt tâm lơh ta Campuchia.  22 nting tahen ơm khĭt rơh dja hŏ joi saơ mô hŏ gĭt năl săk da dê.

        Thượng tá Trịnh Ngọc Kiệm, Kruanh đội K51, Bộ chỉ huy quân sự n’gor Dak Lak an gĭt, lôch 7 khay hao yôk, chuah dak, lăp bri, ndrel đah nău ntop kơl n’hanh kan nsum bah n’gâng kan ta ntŭk, mpôl tahen n’hanh  ƀon lan n’gor Mondulkiri, Rmôt hŏ rgum joi nting tahen ơm khĭt gay nsĭt đah me neh he nơm. Tât rnôk dja, n’gor Dak Lak hŏ joi, rgum nsĭt geh 719 nting tahen ơm khĭt n’hanh nuĭh rnâng kan Việt Nam khĭt tâm lơh rlău ăp rơh ta n’gor Mondulkiri, Campuchia sĭt gŭ ta me neh he nơm.