N’gor đoàn Dak Lak mhe tâm rgop đah Viện Kiểm sát Nhân dân n’gor ƀư “Rơh ƀư phat dôih” nkoch trêng pháp luật năm 2023. Bôk nău kan dơi ƀư ta ngih sam ƀŭt THPT Lê Quý Đôn (nkual ƀon têh BMT), wăch rgum rlău 1.600 đoàn viên druh ndăm n’hanh kon hŏk tâm n’gor râng. Ăp oh dơi uănh nđôi nău ngơi tâm ơh “Nău dăn yô̆ mbrơi” n’hanh sŏk tâm rơh phat dôih nău tih ndra ƀư khuch sôt săk.

Tă bah nĕ ntĭm nău khuch bah ăp nău ndra ƀư tih sôt săk đah nuĭh geh khuch, nuĭh ƀon lan geh khuch n’hanh n’ăp ăp nău khuch đah săk nơm n’hanh rnăk wâl bah nuĭh tih dôih. Jêh rnôk lôch rơh phat dôih lah nău ƀư tâm nđŭr, ôp ơh nău tâm rgop nkoch trêng pháp luật. Nkô̆ nău nkoch trêng tă bah ăp nău ôp, nu nău pơk lhoi gay kon hŏk, đoàn viên, druh ndăm nkoch nău mĭn êng nơm mpeh nău tâm lơh ta ngih sam ƀŭt, trong mkra nău rnôk saơ kon hŏk tâm lơh; nău ƀư tơm bah rnăk wâl, lơn lah kon hŏk gay nking n’gang n’hanh njrăng nău tâm lơh ta ngih sam ƀŭt.