VOV4.M'nông: Gay ăp kon se ach o nkual n'har bri dơi wơt trung thu rhơn mƀak, geh nkô̆ khlay, măng nơh (9/9), UBND n'gor Dak Lak ƀư bôk nău kan Măng bŏng khay 2022 ta nkuâl n'har bri Buôn Đôn.

Ta bôk nău kan, rlău 2.000 kon se ta nkuâl dơi djăt si ƀŭt njuăl mbah rhơn tết Trung thu tât oh mon, kon se jê̆ bah Kruanh dak, râng ăp nău kan rước đèn, múa lân, njroh mprơ, saơ rup Kônh Cuội - Yuh Hằng, sa ndơ pla trung thu. Nkhêp geh rnôk dja, mpôl tơm ƀư hŏ pă an 64 nklâm học bổng kon se ach o rlău dơi jêr jŏt; 30 bôk ndeh wah jâng an ăp kon se nti geh nău rêh jêr jŏt mô geh ndơ ma hăn nti.

Bôk nău kan gay nta trong dơh an ăp kon se ta nkual jru ngai, nkual n'har bri Buôn Đôn dơi wơt Tết Trung thu đăp mpăn, ntrŭt nsôr ăp kon se nsrôih gơih nđơr kơt nti, geh nău dơi âk tâm năm nti mhe./.

Nuĭh rblang: Điểu Thân