UBND n’gor Dak Lak mhe n’gluh an dŏng Trong nchrăp n’hao rnoh mbrô nău dơi tâm rlong gưl n’gor (PCI) lvang năm 2023-2025 gay nsrôih n’hao PCI rơh dja dâk gưl dah găp let lơ. Tĭng nău mbơh dăp gưl rnoh mbrô nău dơi tâm rlong gưl n’gor năm 2022, n’gor Dak Lak geh tât 60,91 điểm, dâk tâl 60/63 n’gor, dâk kêng dŭt nkual Tây Nguyên.

Tĭng nău nchrăp mhe n’gluh an dŏng, UBND n’gor Dak Lak n’gluh rnoh tât n’hao PCI năm 2023 – 2025 bah n’gor dâk gưl dah găp let lơ n’hanh ăp rnoh mbrô tâm n’glăp geh điểm mbrô rlău 6. Nkre nkoch 7 rmôt trong nkra ân tĭng ƀư. Tâm nê, n’hao dăng nău dơn kan, lor nchrăp bah ăp n’gâng kan, UBND ăp nkuâl, thị xã n’hanh nkual ƀon têh; ntrôl dăng rgâl dơh glêh siƀŭt kan, rhuăt glêh mông nar ƀư siƀŭt geh tât nău kan ntuh kơl, tăch rgâl bah doanh nghiệp, hŭch đêt roh prăk mông nar, prăk roh râng lăp ntŭk tăch rgâl, tât đah neh ntu, n’hao âk tơ̆ tâm mâp, tâm dâl nău, nkra ăp jêr jŏt, kŏ kol bah doanh nghiệp.