VOV4.Mnông- Ngih nti Cao đẳng công thương Việt Nam (bâh n’gâng kan lao động-thương binh n’hanh xã hội) ntŭk ntĭm nti n’gor Dak Lak lĕ geh ƀư rơh pă học bổng an kon hoc ach o rlet rlău nău jêr jŏt, ký tâm ton ntĭm nti dŏng rnoh nuĭh kan n’hanh dơn ndơ dŏng pah kan geh ntuh kơl bâh ăp doanh nghiệp. 37 nklâm học bổng đah rnoh khlăy bâh 1rkeh tât 1rkeh 500 rbăn prăk lĕ geh ăp nuĭh ntuh kơl pă an tât ăp oh sinh viên ach o rlet rlău nău jêr jŏt gay ma đăp mpăn lơn tâm nău hăn nti ta ngih nti.

Ta rơh lễ, wa Tô Viết Tài, groi hiệu trưởng ngih nti Cao đẳng Công thương Việt Nam, mât nău kan ntĭm nti ta Dak Lak an gĭt: ngih nti ƀư tĭng trong kan ntĭm nti ndrel đah doanh nghiệp gay ma doh rklaih pă nău kan an sinh viên lôch nti đah nău kan tâm ton lĕ rngôch sinh viên geh nău kan dâl lôch hăn nti đah rnoh prăk khay âk. Yor nĕ ăp nău kan ntĭm nti geh săch tâm di đah nău ŭch geh kan ngăn ta ntŭk.

Nuĭh rblang: Thị Đoắt