VOV4.M’nông- Ôi nar 29/5, ta nkuăl têh Buôn Hồ, đoàn n’gor Dak Lak leo ƀư nău kan ntơm hăn pah kan mom ndăm tâm kơl khay rlu nti năm 2022 đah âk nău kan ntoh lư ta 15 nkuăl, nkuăl têh, nkuăl ƀon têh tâm n’gor Dak Lak đah nău tât râng bâh rlău 10 rbăn đoàn viên, mom ndăm lam n’gor.

Ntơm hăn pah kan khay mom ndăm rlu nti năm 2022 ta Dak Lak

 Ta rơh hăn pah kan, đoàn n’gor Dak Lak pă prăk an 150 rkeh prăk kơl pă nău kan an mom ndăm. Pă an 200 tơm si nđir, 1 nău kan mpoh ang trong ƀon, tâm pêt tâm kơl, nkual pâl nđaih n’hanh kơl an rdâk njêng 1 tach jâng gung ngih cộng đồng đah lĕ rnoh prăk 370 rkeh prăk. Yuh H’Giang Niê, Bí Thư đoàn n’gor Dak Lak an gĭt, ăp nău kan ta rơh pah kan mom ndăm tâm kơl khay rlu nti năm 2022 gay ma n’hao nău tâm kơl, nău nsrôih bâh mom ndăm tâm nău tât râng hun hao wăng sa rêh jêng, rdâk njêng nkual ƀon lan mhe, nkuăl ƀon têh ueh, mât đăp mpăn nău rêh jêng, rnă njrăng ngih dak, ngăn lah ta ntŭk jêr jŏt, nkual njônh ngai, n’har bri.

Nuĭh rblang: Thị Đoắt