VOV4.M’nông: Ôi lơ 23/6, N’gor uỷ Dak Lak ƀư rƀŭn mbơh nau ntrŭnh ndâk ndrel ntơm ntoh măt Rnâng kan rđau nau njrăng, rdâng sa khâm, nau ƀư tih dôih bah n’gor. Rnâng kan rđau kan kan njrăng rdâng nau tih sa khâm, tih dôih bah Dak Lak geh 15 nŭih, yor wa Nguyễn Đình Trung-Uỷ viên Trung ương Đảng, Bí thư n’gor uỷ ƀư tơm. Ăp groi Rnâng kan geh: Wa Phạm Minh Tấn-Groi Bí thư Rnâng kan n’gor uỷ; wa H’Lim Niê-Kruanh Ban Nội chính n’gor uỷ, wa Nguyễn Thượng Hải-Kruanh Rnâng kan ƀư kan n’gor uỷ, Wa Lê Văn Nghĩa-Kruanh ƀư nau kan mêt uănh n’gor uỷ, wa Lê Vinh Quy-Giám đốc Công an n’gor.

Jêh rơh rƀŭn Trung ương 5, đah nuih n’hâm dŭt n’hâm kan ndal, rjăp, Rnâng kan N’gor uỷ Dak Lak hŏ tâm nchră, tâm nau nau ntrŭnh ndâk ndâk rnâng kan rđau kan mpeh nau njrăng, rdâng sa khâm, tih dôih tâm n’gor. Dak Lak kŏ lah ngoai tâm ăp n’gor ơm ndâk Rnâng kan rđau kan gưl n’gor mpeh nau njrăng, rdâng sa khâm, tih dôih./.

Nŭih rblang: H’Thi