VOV4.Mnông- Ôi nar 27/2, ta xã Drai Bhăng, nkuăl Cư Kuin, đoàn n’gor Dak Lak ƀư rơh ntơm pah kan khay mom ndăm năm 2022. Ta rơh rgŏ jă, Đoàn n’gor Dak Lak lĕ pă an nău kan mpoh ang trong ƀon ta xã Ea Tiêu n’hanh nău kan Ntoh ang 3 nău ueh, ta ngih nti THPT Y Jut. Pă prăk rnoh prăk 150 rkeh prăk gay ma pă nău kan an mom ndăm nkuăl Cư Kuin.

Pă an 1 mblâm ngih tâm rŏng n’hanh pă an 40 nklâm ndơ ăp nklâm ndơ geh 300 rbăn prăk, 20 bôk ndeh vah jâng an ăp rnăk jêr jŏt n’hanh kon hoc rlet rlău jêr jŏt nti blău. Đoàn nkuăl Cư Kuin lĕ pă an 1 ngih tâm rŏng an rnăk ach o, 1 nău kan ntŭk pâl rlưn an mom ndăm n’hanh ntơm ƀư nău kan rdâk njêng 1 tach pâl pah play . Oh H Rê Zôn Êban, ngih nti tiểu học Quang Trung, xã Ea Ktur, nkuăl Cư Kuin dŭt rhơn rnôk geh dơn ndơ kơl an aơ.

          Ngih gâp ach o jêng mô geh prăk rvăt ndeh vah jâng. Gâp dŭt rhơn geh dơn ndeh vah jâng gay ma hăn nti n’hanh rdeng oh hăn nti. mô kâp tât mê̆ bơ̆ hăn njŭn vơt. Gâp mbra mât ndeh aơ an ueh, mô an khuch. gâp lah ueh ăp kônh yơ, nai nti lĕ kơl an gâp geh ndeh aơ, gâp mbra nsrôih nti an blău”.

          Nuĭh rblang: Thị Đoắt