VOV4.Mnông- Ôi nar 26/1, Hội nhà báo n’gor Dak Lak tâm rgop đah sở thông tin n’hanh truyền thông n’hanh Thư viện n’gor Dak Lak ƀư rơh ntơm pơk Hội báo xuân Nhâm Dần 2022. Geh ƀư bâh nar 26/1 tât lĕ nar 4/2 tay, hội báo Xuân Nhâm Dần n’gor Dak Lak pla n’hơ rlău 250 ấn phẩm báo n’hanh rlău 400 ndrôm săm ƀŭt ăp ntil. Tĭng nău uănh năl bâh rnâng kan leo kan, ăp ấn phẩm báo xuân năm aơ geh ƀư ueh êng, mpơl nău nchrăp kan na nê̆ n’hanh geh njêng bâh ta plơp bôk năp, ueh mpeh nkô̆ nău, đah ăp bôk nău rhơn Đảng rhơn năm mhe, kahgĭt wa Hồ, geh nău dơi têh bâh ăp n’gâng kan, trong kan, ta ntŭk n’hanh ăp nuĭh ƀon lan. Nkoch nău rêh mpeh chính trị, nău wăng sa, rêh jêng, nău nsrôih, nău dơi bâh kon nuĭh Việt Nam, nău dơi pah kan, njêng mpŏng tât nău rêh let năp tay geh nău ueh lơn bâh neh dak. Lôch hội báo xuân, ăp ấn phẩm báo mbra geh njoăl pă an ăp cán bộ, tahen ta ndru gôl dak Trường Sa, bâh Cục hải quân nkual 4, n’gor Khánh Hòa.

Nuĭh rblang: Thị Đoắt