VOV4.M'nông: Năm 2022, công ty điện lực Dak Lak dơi tâm pă bơi 285 rmen prăk gay rdâk ƀư 93 ntŭk ntrŭp ƀư điện, ƀư âk ndơ dŏng an trong rse điện. Bol mâp âk jêr jŏt tă bah ntŭk gŭ jong hvi, pah kan đă ntrơn du ta du đêt nkuâl hôm wăk kol, tâm rnôk nuh srê Covid-19 hôm tât krit nji, yơn điện lực Dak Lak way geh ăp nău rgâl tâm di, rdâk ƀư đăp mpăn nâp uĕh, di rnoh ngăch.

Tât aƀaơ, hŏ geh 30 ntŭk ƀư  lôch jêh, đah lĕ rngôch rnoh jong 85 km trong rse trung hạ áp, 15 trạm biến áp, bar pe jât ndơ pơk n'hât điện lêh êng n'hanh trong mât đăp mpăn nău lư... dơi n'glăp dŏng. Aƀaơ PC Dak Lak dôl ntrôl ngăch ƀư, nkre mât uănh lhăt săk blău rdâk njêng, gay ơm ƀư lôch jêh ăp gâl kan, rgop n'hao săk geh trong rse điện rhŏ dŏng an hun hao wăng sa rêh jêng kon nuĭh ta n'gor./.

Nuĭh rblang: Điểu Thân