Nar 1/2, Liên minh hợp tác xã n’gor Dak Lak ƀư “Tâm nchră ntrŭt ntrôl ngăch tăch rgâl đah ăp hợp tác xã bah n’gor đah mpôl kan Halal Việt Nam”. Ntŭk tăch rgâl Halal lam ntŭr neh săk geh âk mpeh rnoh nuĭh Hồi giáo, đah nklăp 2 rmen nuĭh tâm năm 2023. Rnoh têh wăng sa Halal lam ntŭr neh hun hao ngăch đah âk trong kan.

Ta tâm nchră ntơh măt mpôl kan Halal Việt Nam an lah, âk ndơ tuch tăm bah Việt Nam lah nsum n’hanh Dak Lak lah êng  hŏ tât di rnoh đăp mpăn kloh uĕh ndơ sa, tâm di đah nău ŭch geh kơp dơn Halal. Yơn lah, aƀaơ  ndơ sa Halal tăch n’gluh lơn âk lah ndơ tuch tăm mblâm n’hanh sơ chế. Jêng ăp doanh nghiệp, hợp tác xã bah n’gor  Dak Lak ân uănh khlay lơn đŏng tât rêng kan tuch tăm, nkret njêng, nău lư mpeh ntŭk  tăch rgâl, rnoh di Halal gay ăp tŏng lơn đŏng ăp nău ŭch geh khăch khoch bah ăp dak Hồi giáo ta Châu Âu, Châu á, Ả Rập…