VOV4.M’nông: Rnoh nŭih ntưp SARS-Cov2 mro geh hao âk tâm âk nar rlau aơ, ƀư nŭih ƀon lan tâm n’gor Dak Lak hăn joi rvăt ndơ xét nghiệm ngăch. Yor rnoh nŭih rvăt hao âk, ntŭk tăch ndơ aơ jêng mô tŏng. Yuh Nguyễn Thanh Tâm, tơm ntŭk tăch ndơ dak si An Tâm tâm trong Y Jut, nkuăl ƀon têh Buôn Ma Thuột mbơh, 3 nar ma aơ, năch ôp rvăt ndơ xét nghiệm ngăch ri âk ngăn, hao rlau 3 tơ̆ rđil ăp nar êng êng. Tâm rnôk nê, rnoh kis test bah ntŭk khân păng tăch rvăt ri mô âk, ri ma mô tŏng gay ma tăch. Mô êng knŭng hăn rvăt kist sĭt test êng, rnoh nŭih hăn tât ăp jrâu khám êng, Ngih dak si gay ma ƀư nau năl ji, test PCR kŏ âk lơn rđil ăp nar êng êng bah năp têt. Rnôk aơ, du blah kis test ngăch tâm trôm muh geh tă bah Pháp, Đức geh rnoh ntơm 70 rbăn tât 80 rbăn./.

Nŭih rblang: H’Thi