VOV4.M’nông: Di nkah 67 năm nar nai dak si Việt Nam, 27/7, lơ 25/2, Rmôt hăn kan bah n’gor uỷ, UBND n’gor Dak Lak tât khâl, rhơn rđau kan, rmôt nŭih nai dak si bah N’gâng kan dak si, ntŭk kan nkân njrăng srê ji n’gor ndrel Ngih dak si Đa khoa nkuăl Tây Nguyên. Tâm N’gâng kan dak si, wa Nguyễn Đình Trung, Uỷ viên Trung ương Đảng, Bí thư thư n’gor uỷ hŏ djăt rđau kan n’gâng kan dak si mbơh du đê̆ nau kan bah ntŭk kan tâm rơh rlau aơ. Bah năp nau tât bah srê jŏ jong ndrel jêr, N’gâng kan dak si hŏ ndrel dôl ma rgum ăp tu tơm gay tŏng dơi nau kan njrăng rdâng srê, nkân njrăng srê Covid-19.

Rnôk aơ, ăp ngih dak si, Ntŭk kan ngih dak si nkuăl kŏ ndâk ntŭk mât chăm njrăng srê Covid-19 gay ma rgum nau săm ân nŭih ntưp srê Covid-19 tĭng nau kan bah n’gâng kan dak si “Nkre săm nau ji êng êng ndrel săm nŭih ntưp srê Covid-19”. Ntoh nau tâm nar pah kan, Bí thư n’gor uỷ Nguyễn Đình Trung njoăl nau rhơn tât rmôt cán bộ, công chức, viên chức ndrel nŭih pah kan bah n’âng kan dak si n’gor, kơp dơn ăp nau tă dơi geh tâm ăp năm rlau aơ ndrel rgop nau gay n’gor ƀư jêh ăp nkô̆ nau hun hao văng sa, rêh jêng, ngăn lah nkân njrăng srê Covid-19 tâm n’gor./.

Nŭih rblang: H’Thi